Aygün Bəylərin qardaşı qətlə görə məhkəmə önündə
Əməkdar artist Aygün Bəylərin qardaşı Abbas Hümmətovun məhkəməsi başlayır. O, mayın 19-da Bakı Ağır Cinayətlər Məhkəməsində Fuad Məmmədzadə, Elnur Alxasov, Ramil Əsirov, Elnur Əsirov və Cavid Alxasovla birlikdə hakim önünə çıxarılacaq.
Adları çəkilən şəxslər qətl hadisəsinə görə həbs olunublar. Qətlə yetirilən Elnur Hümmətov da əməkdar artistin qohumudur.
İttihama görə, təqsirləndirilənlər Elnur Hümmətovun polisə onların narkotik əkmələri haqda xəbər çatdırmasından şübhələniblər. Ona görə də E. Hümmətovu boğub qətlə yetirib, meyiti də Qala qəsəbəsində gizli yerdə basdırıblar.
E. Hümmətov 2013-cü ilin iyunun 16-dan polisdə itkin düşmüş kimi axtarışda olub. Üç il sonra – 2016-cı ilin avqustun 30-da E. Hümmətovun qətlə yetirildiyi müəyyənləşdirilib, meyitin qalıqları basdırıldığı yerdən çıxarılıb.
Amma təqsirləndirilən şəxslərdən Abbas Hümmətov və Fuad Məmmədzadə özünü təqsirli bilmir, qətl hadisəsində iştirakları olmadığını bildiriblər.
24saat.org
Mənbə – azadliq.org