Loading...
Loading...
İqtisadiyyat

Azərbaycan 2022-ci ildə şimal istiqamətində neft ötürülməsini artırmağı planlaşdırır

Azərbaycan Rusiyanın əsas neft boru kəmərlərinin operatoru “Transneft” şirkətinə 2022-ci ildə şimal kəməri ilə neft ötürülməsinin bu il üçün planlaşdırılan 1,09 milyon tondan 1,209 milyon tonadək artırılması haqqında sorğu göndərib.

Bu barədə “Reuters” Azərbaycan Dövlət Neft Şirkətinin (SOCAR) rəhbərliyindəki mənbəyə istinadən xəbər verib.

Azərbaycan 1997-ci ilin noyabrından etibarən Bakı-Novorossiysk kəməri ilə neft ixrac edir. Yanvar ayının sonunda “Transneft” və SOCAR 2021-ci ildə bu xəttlə 1 milyon tondan çox neft ixrac edilməsi haqqında müqavilə imzalayıblar.

2021-ci ilin yanvar-iyul aylarında şimal neft kəməri vasitəsilə 583,29 min ton, iyul ayında isə 84,74 min ton göndərilib.

2020-ci ildə Bakı-Novorossiysk neft kəməri ilə 613,29 min ton ixrac edilib.

report

Instagram

Mənbə
“24 saat”

Gözdən qaçırmayın:  "Dilənçiyə" çevrilirlər: 84 milyard dollar zərər, siyahıda Ələkbərov da var

This site uses Akismet to reduce spam. Learn how your comment data is processed.

Back to top button