24 saat en son xeberler - Xeberler platformasi

Xəbərlər

Azərbaycan Demokratiya və Rifah Partiyası maaşların, müavinətlərin artırılmasını və Saleh Rüstəmlinin azadlığa buraxılmasını tələb edib

Bakı/29.11.21 Noyabrın 28-də Azərbaycan Demokratiya və Rifah Partiyasının  Ali Məclisi birinci sessiyasında 13 nəfərdən ibarət İdarə Heyəti formalaşdırıb.

İdarə Heyətinə Adil Qeybulla, Arif Hüseynli, Ellada Məmmədli, Ədalət Yusub, Əlövsət Sadıqlı, Əlövsət Talışxanlı, Hüseyn Malik, Rafiq Abdulla, Rövşən Dəmirli, Rüfət Əliyev, Rüfət Muradlı, Samir Abbaslı daxildir.

Partiyanın rəhbəri Qubad İbadoğlu “İctimai-siyasi vəziyyət və partiyanın qarşısında duran vəzifələr” mövzusunda məruzə ilə çıxış edib.

Partiya Azərbaycan hökumətinə müraciət edərək Laçında sərhəd-buraxılış və gömrük məntəqələri yaratmaqla ölkə ərazisini tam nəzarətə götürməyə, erməni yaraqlıların Dağlıq Qarabağdan çıxarılmasını təmin etməyə, məcburi köçkünləri geri qaytarmağa, həmçinin azad edilmiş ərazilərdə həyata keçirilən layihələr barədə cəmiyyətə hesabat verməyə çağırıb.

Partiya fəal Saleh Rüstəmlinin həyatı üçün təhlükəni nəzərə alaraq, onun dərhal azadlığa buraxılmasını tələb edib.

Partiya qiymət artımı nəzərə alınmaqla, dekabrın 1-dən maaşların, pensiyaların və müavinətlərin artırılmasını, işsizlərin işə cəlb edilməsini və ya işsizliyə görə müavinətlərin verilməsini zəruri hesab edir.- 06B-

 

Turan

“24 saat”

Bənzər məqalələr

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

Back to top button