Loading...
Loading...
SEÇMƏ

Azərbaycan XİN Fransaya etiraz etdi

Azərbaycanın Xarici İşlər Nazirliyi Fransaya etirazını bildirib. Səbəb kimi Paris şəhərinin meri Ann İdalqonun Azərbaycan ərazisindəki qanunsuz qurumun nümayəndəsi ilə görüşməsi göstərilib.

Bu barədə Azərbaycan Xarici İşlər Nazirliyi mayın 28-də açıqlama yayıb.

Bildirilib ki, mayın 28-də Fransanın Azərbaycandakı səfiri Zakari Qros Xarici İşlər Nazirliyinə dəvət edilib:

“Xarici işlər nazirinin müavini Xələf Xələfov Fransa səfirinə 27 may tarixində Paris şəhərinin meri Ann İdalqonun Azərbaycan ərazisindəki qanunsuz qurumun qondarma nümayəndəsi ilə görüşməsi ilə bağlı etirazını bildirib. Fransa rəsmisi tərəfindən Azərbaycanın ərazi bütövlüyünə qarşı atılan bu addımın Fransa qanunvericiliyi və ölkənin beynəlxalq öhdəlikləri ilə açıq ziddiyyət təşkil etdiyi deyilib. Eyni zamanda, Fransa və Azərbaycan münasibətlərə xələl gətirdiyi səfirin diqqətinə çatdırılıb”.

Foto: “mediamax.am”

“Paris şəhərinin merinin bu qanunazidd və məsuliyyətsiz davranışının, həmçinin bölgədə müharibə sonrası sülh və etimad quruculuğu tədbirlərinə uyğun olmadığı vurğulanıb”, – məlumatda deyilir.

Mayın 27-də sepraraçıların lideri Arayik Harutyunyan Paris meri Ann Hidalqonun başçılıq etdiyi nümayəndə heyəti ilə görüşüb.

Görüş Ermənistanın Gorus bölgəsində baş tutub.

Meydan TV

Gözdən qaçırmayın:  Əfv sərəncamı imzalandı: Azadlığa çıxanlar arasında siyasi fəallar da var

This site uses Akismet to reduce spam. Learn how your comment data is processed.

Back to top button