Now Reading:
Azərbaycanda doğulan hər körpə 3490 manat borcla dünyaya gəlir

Azərbaycanda doğulan hər körpə 2054 dollar və ya 3490 manat borcla dünyaya gəlir. 24saat.org xəbər verir ki, bunu iqtisatçı ekspert Quvad İbadoğlu bildirib: “Maliyyə Nazirliyi xarici borcların həcmi ilə bağlı yeni məlumat yayıb. Əgər həmin məlumata inansaq, 01 yanvar 2018-ci il tarixinə Azərbaycan Respublikasının xarici dövlət borcu 9,398.3 milyon ABŞ dolları (15,978.1 milyon manat), xarici dövlət borcunun Ümumi Daxili Məhsul`a (ÜDM) olan nisbəti 22.8 faiz təşkil edib.
Dünyanın mötəbər statistik mənbələrindən sayılan CİA (Central Intelligence Agency)-nın məlumatına görə, 2017-ci ildə Azərbaycanın dövlət borcunun ÜDM-də payı 22,8 deyil, 48,8 faiz olub. 2017-ci il üçün hesablanmış ÜDM-in 70,135.1 milyon manat təşkil etdiyini nəzərə alanda, dövlət borcunun Maliyyə Nazirliyinin açıqladığı kimi 15,9 milyard manat deyil, 34,2 milyard manat və yaxud hazırkı məzənnə ilə 20,1 milyard dollar olduğu məlum olur. Belə olan halda Azərbaycanda doğulan hər körpə 2054 dollar və ya 3490 manat borcla dünyaya gəlir.

Orta statistik ailənin (4,5 nəfərlik ev təsərrüfatının) borcu isə 9243 dollar və ya 15705 dollar təşkil edir. Burda diqqəti çəkən əsas məqamlardan biri də odur ki, dövlət borcunun ÜDM-də payı kritik hesab edilən 40 faizi ötməsi və son illər onun artım tempinin sürətlənməsidir. Məlumat üçün qeyd edim ki, dövlətin borcuna hökumətin birbaşa öhdəlikləri və dövlət zəmanətilə cəlb edilmiş kreditlər daxil edilir. Yəni bu halda neft şirkətinin dövlət zəmanəti olmadan aldığı borclar hesablanmış məbləğə daxil deyildir.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.