Now Reading:
Azərbaycanın Avronest PA-dakı nümayəndə heyətinin rəhbəri Gürcüstan parlamentinin spikeri ilə görüşüb

Azərbaycanın Avronest PA-dakı nümayəndə heyətinin rəhbəri Gürcüstan parlamentinin spikeri ilə görüşüb

Avronest Parlament Assambleyasına (PA) üzv ölkələrin nümayəndə heyətləri Gürcüstan parlamentinin sədri İrakli Kobaxidze ilə görüşüblər.

APA-nın yerli bürosunun məlumatına görə, Gürcüstan parlamentində keçirilmiş görüşdə Azərbaycan nümayəndə heyətinin rəhbəri, Milli Məclisin Gənclər və idman komitəsinin sədri Fuad Muradov da iştirak edib.

F.Muradov bildirib ki, görüşdə Avronest PA-nın komitə iclasında müzakirə olunacaq məsələlər ətrafında fikir mübadiləsi aparılıb: “Bu məsələlərə Avropada enerji, inteqrasiya, Avropa İttifaqının “Şərq tərəfdaşlığı” ölkələri üçün sərmayə və sosial yönümlü layihələr, qaçqın və məcburi köçkünlər, miqrasiya məsələləri daxildir”.

Millət vəkili qeyd edib ki, komitə iclasında Azərbyaycan nümayəndə heyətinin üzvü, millət vəkili Muxtar Babayev enerji efketivliyi barədə məruzə ilə çıxış edəcək.

Qeyd edək ki, 12-13 fevral tarixində Tbilisidə Avronest PA-nın Siyasi məsələlər, insan hüquqları və demokratiya üzrə komitəsinin iclası keçirilir. F.Muradovun başçılıq etdiyi nümayəndə heyətinə millət vəkilləri Rövşən Rzayev, Rauf Əliyev, Məlahət İbrahimqızı, Sədaqət Vəliyeva, Muxtar Babayev daxildir. Toplantı çərçivəsində sabah Milli Məclisin və Gürcüstan parlamentinin gənclər və idman komitələrinin sədrləri arasında görüş keçiriləcək. Komitələr arasında əməkdaşlıq haqqında memorandumun imzalanması nəzərdə tutulub.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.