Cəmiyyət

“Azərxalça”‘ işi: Keçmiş sədrin əmlakının müsadirə qərarı ləğv edildi – SİYAHI

“Azərxalça”nın sabiq sədri, ev dustaqlığında ölən Vidadi Muradovun müsadirə olunmuş əmlakları ilə bağlı qərar qismən ləğv edilib.

B-u barədə bu gün Ali Məhkəmədə hakim Əziz Seyidovun sədrliyi ilə keçirilən prosesdə yeni qərar qəbul edilib. Qərara əsasən, cinayət işi ilə bağlı banka girov qoyulmuş əmlaklar hissədə qərar ləğv olunub. İş yenidən baxılması üçün Bakı Apellyasiya Məhkəməsinə göndərilib.

Qeyd edək ki, V.Muradov 2021-ci ilin yanvarında saxlanılıb. Barəsində Cinayət Məcəlləsinin 179.4 (mənimsəmə xüsusilə külli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham elan edilib. V.Muradov 2021-ci il noyabrın 4-ü, ev dustaqlığına buraxıldıqdan 5 gün sonra dünyasını dəyişib. Vəfat etdiyi üçün cinayət işinə bəraətverici əsaslar olmadan xitam verilib. Hökmə əsasən, Dövlət Vergi Xidməti tərəfindən qaldırılmış 640 min manatlıq mülki iddia təmin olunub, onun və ailəsinin 30 milyon manatlıq əmlakları müsadirə edilib. Hökmdən narazı qalan ailəsi apellyasiya şikayət verərək əmlakların geri qaytarılmasını istəyib. Lakin Bakı Apellyasiya Məhkəməsi də hökmü qüvvədə saxlayıb. Bundan sonra ailə Ali Məhkəməyə müraciət edib.

V.Muradovun müsadirə edilmiş əmlaklarının siyahısını təqdim edirik:

1. Bakı şəhəri, Nərimanov rayonu, Şəmsi Rəhimov küçəsi 2A-da yerləşən 0.01071 ha torpaq sahəsi.

2. Həmin torpaq sahəsində tikilən 268.3 kv.m olan yerləşən qeyri-yaşayış binası.

3. Bakı şəhəri, Nərimanov rayonu, 2-ci Sülh döngəsi, 4 nömrəli ev.

4. Bakı şəhəri, Xətai rayonu, Gəncə prospekti, ev 48, 48A, 50, 50A, 52, 52A, 54, 54A, 54B, 56, 56A, 56B, 56C, 58, 58A, 58B, 60, 60A, 60B, 60C saylı binaların 4 nömrəli mənzili.

5. Bakı şəhəri, Xəzər rayonu, Şüvəlan qəsəbəsi, 17a/32 nömrəli bağ sahəsi.

6. Quba şəhəri, Qəçrəş yolunda yerləşən 0,20 ha torpaq sahəsi.

7. Bakı şəhəri, Nərimanov rayonu, Akademik Həsən Əliyev küçəsində yerləşən 103 nömrəli ev.

8. “Azər-İlmə”nin müsadirə olunan səhmləri (11 milyon manat).

24 saat” ““Azərxalça”‘ işi: Keçmiş sədrin əmlakının müsadirə qərarı ləğv edildi – SİYAHI” başlıqlı yazını “Pressklub”a istinadən dərc edib

Xeberler

Gözdən qaçırmayın:  Yol polisi şəhidin şəklini bacısının maşınından qopardı - Açıqlama

This site uses Akismet to reduce spam. Learn how your comment data is processed.

Back to top button