İqtisadiyyat
Azərbaycan iqtisadiyyatı “nisbətən azad”dır
Dünyada iqtisadi azadlığa görə birinci yerdə Honq Konqdur. ABŞ-ın geriləməsi dayanıb, 18-ci yeri tutub. Ümumilikdə 102 ölkənin mövqeyi yaxşılaşıb, 75 ölkə geriləyib.
Bunu Heritage Fondunun yaydığı 2018-ci ildə İqtisadi Azadlıq İndeksi üzə çıxarıb. Ümumilikdə isə dünya iqtisadiyyatının “nisbətən azad” olduğu bildirilir ki, bu da artıq altıncı ildir iqtisadi azadlıq sahəsində yüksəliş deməkdir.
“QEYRİ-AZAD” İQTİSADİYYATLAR AZ DEYİL
180 ölkədə iqtisadiyyatın durumu dəyərləndirilib.Yalnız 3 ölkənin mövqeyində dəyişiklik yoxdur. Altı iqtisadiyyat 80 və daha artıq bal toplayaraq “azad” sayılıb, 90 ölkə 70-79.9 balla “əsasən azad”, yaxudda 60-69.9 balla “nisbətən azad” kateqoriyasına düşüb.