“Azərbaycan İran İslam Respublikasında törədilmiş qanlı terror aktlarını qəti şəkildə qınayır”.

Xarici İşlər Nazirliyinin mətbuat xidmətinin rəhbəri Hikmət Hacıyev İranda törədilmiş terror aktları ilə əlaqədar açıqlamasında belə deyib.

Saytların yığılması

O, terror aktları nəticəsində həlak olanların ailələrinə, bütün İran xalqına və hökumətinə başsağlığı verib.

“Terrorizmdən əziyyət çəkən dövlət kimi Azərbaycan terrorizmin bütün forma və təzahürlərini kəskin şəkildə pisləyir. Azərbaycan terrorizmlə mübarizədə beynəlxalq ictimaiyyətin səylərini qətiyyətlə dəstəkləyir”, – XİN sözçüsü bildirib.

Xatırlatma

İyunun 7-də İranın paytaxtı Tehranda Ayatollah Ruholla Khomeini-nin məqbərəsi və parlament binasına silahlı hücum baş verib. Hücumlar zamanı azı 12 nəfərin öldüyü bildirilir.

İranın Fövqəladə Hallar Departamentinin rəisi Pir Hossein Kolivand 39 nəfərin yaralandığını və xilasedici əməliyyatların davam etdirildiyini bildirib.

Məlumatlara görə parlamentin binasına qadın paltarında daxil olan 4 yaraqlı öldürülüb.