Bakı/13.10.21 Ermənistan mətbuatı oktyabrın 13-də axşam  Qarabağa qanunsuz səfərə görə Azərbaycanda həbs edilmiş iki Iran sürücünün guya ölkələrinə qaytarılğını xəbər verdi. Eyni zamanda, ermənilər İranın Mehr agentliyinin istinad edirlər. Ancaq bu agentlik belə bir xəbər dərc etməyib.

İranlı sürücülərə gəlincə, onlar həbsdədirlər və heç kim onları İrana köçürməyib. Bu barədə Azərbaycan Dövlət Gömrük Komitəsinin 13 oktyabr tarixli məlumatında deyilir.

“İran vətəndaşları Barzegar Haggi Cəfər Qəzənfər və Novruzi Şahrud Heydəri sentyabrın 16 -da saxta sənədlərlə Xankəndinə qanunsuz daxil olduqları, habelə müvafiq sənədlər olmadan Azərbaycanın dövlət sərhədini keçdikləri üçün həbs ediliblər.

Saytların yığılması

Azərbaycan Gömrük Komitəsi 206.3.2 və 318.2 maddələri ilə  onlara qarşı cinayət işi açıb və istintaq aparılır.

Onların ölkələrinə qayıtmaları ilə bağlı yayılan məlumatlar həqiqətə uyğun deyil ”, – Dövlət Gömrük Komitəsinin açıqlamasında deyilir. -02D-