İqtisadiyyat
Azərbaycan neftinin qiyməti 70 dollara yaxınlaşır
Dünya birjalarında neft bahalaşmaqdadır.
az24saat.org bildirir ki, Londonun İCE əmtəə birjasında keçirilən elektron ticarət əməliyyatlarının gedişində Brent markalı neftin qiyməti 1 barelə görə 0,46% artaraq 68,15 dollar təşkil edib.
Beləliklə, Brent markalı neftin 1 barelinin qiyməti 2015-ci il, mayın 13-dən etibarən ilk dəfə olaraq 68 dolları ötüb.
WTI neftinin qiyməti isə 1 barelə görə 0,80% artaraq 62,12 dollar təşkil edib.
Azərbaycanın dünya bazarına çıxararaq satdığı “Azeri LT CIF” markalı xam neftə gəlincə, onun 1 barelinin qiyməti 1,3 dollar və yaxud 1,90% artıb.
Beləliklə, “Azeri LT CIF” markalı neftin qiyməti 69,89 dollar/barelə bərabər olub.