Azərbaycan, Türkiyə və İran XİN başçılarının görüşündə Bakı Bəyannaməsi imzalanıb
Bakıda Azərbaycan, Türkiyə və İranın xarici işlər nazirləri Elmar Məmmədyarov, Mövlud Çavuşoğlu və Məhəmməd Cavad Zərifin üçtərəfli görüşü keçirilib.
Nazirlərin üçtərəfli görüşündə Bakı Bəyannaməsi imzalanıb.
Üçtərəfli görüşdən əvvəl nazirlərin təkbətək görüşləri keçirilib.
Qeyd edək ki, bu, nazirlərin 5-ci üçtərəfli görüşüdür.
Bakıda Azərbaycan Respublikasının xarici işlər naziri Elmar Məmmədyarov, İran İslam Respublikasının xarici işlər naziri Məhəmməd Cavad Zərif və Türkiyə Respublikasının xarici işlər naziri Mevlüt Çavuşoğlunun iştirakı ilə Azərbaycan-İran-Türkiyə xarici işlər nazirlərinin beşinci üçtərəfli görüşü başlayıb.
Nazirlər Azərbaycan, İran və Türkiyə arasında üçtərəfli formatda əlaqələrin genişləndirilməsini, beynəlxalq və regional məsələləri müzakirə edəcəklər.
Görüşün yekununa dair Bakı Bəyannaməsinin qəbul ediləcəyi gözlənilir.