Azərbaycan və Ermənistan təhlükəsizlik xidmətlərinin rəhbərləri növbəti dəfə görüşüblər
Azərbaycan və Ermənistan təhlükəsizlik xidmətlərinin rəhbərləri yanvarın 10-da növbəti dəfə görüşüblər. Bu dəfə görüş Zəngəzur (Syunik) bölgəsinin Vorotan və Şurnux kəndlərinə bitişik ərazidə baş tutub.
Məlumata görə, əvvəlki görüşdə olduğu kimi bu gün də tərəflər məhkumların geri qaytarılması və mübadiləsi, itkin düşmüş şəxslərin axtarışı ilə bağlı məsələləri müzakirə ediblər.
Bir gün əvvəl Azərbaycan Dövlət Təhlükəsizlik Xidmətinin rəisi Əli Nağıyevlə Ermənistan Milli Təhlükəsizlik Xidmətinin rəhbəri Armen Abazyan Ermənistan ərazisində, iki ölkənin sərhəddinə yaxın Yerasx kəndi yaxınlığındakı neytral ərazidə görüşmüşdülər.
İki ölkənin təhlükəsizlik xidməti rəhbərlərinin Tavuş bölgəsində keçiriləcək növbəti görüşü barədə mediada yayılan məlumatları isə Ermənistan milli təhlükəsizlik nazirliyində təkzib ediblər.
24saat.org
Mənbə – azadliq.org
