Siyasət
Azərbaycan və İspaniya nazirləri görüşdü
Xarici işlər naziri Elmar Məmmədyarov ispaniyalı həmkarı Jose Manuel Garcia-Margallo ilə görüşüb.
Nazirlik bildirir ki, görüşdə iki ölkə arasında əməkdaşlığın hazırkı vəziyyətindən məmnunluq ifadə edilib.
E.Məmmədyarov Ermənistan-Azərbaycan qoşunlarının təmas xəttində yaranan son gərginliklə bağlı ispaniyalı həmkarına məlumat verib. O deyib ki, münaqişənin həllinə nail olmaq məqsədilə Ermənistan qoşunları işğal edilmiş Azərbaycan ərazilərindən çıxarılmalı və hərtərəfli siyasi proses başlanmalıdır.
Jose Manuel Garcia-Margallo ölkəsinin Azərbaycanın ərazi bütövlüyü və suverenliyini dəstəklədiyini bildirib.
İspaniyanın xarici işlər naziri BMT-nin Sivilizasiyalar Alyansının Bakıda keçirilən VII Qlobal Forumunda iştirak edir.
