Xəbərlər
Azərbaycan və Türkiyə birgə təlimlərə başlayıb
Bu gün, aprelin 6-da Azərbaycan və Türkiyə ordularının rabitə qoşunları birgə təlimlərə başlayıb.
Bu barədə Azərbaycan Müdafiə Nazirliyi açıqlama verib.
Açıqlamaya görə, hərbi rabitəçilər vahid rabitə sisteminin təşkil edilməsi üzrə tapşırıqları yerinə yetirirlər: “Müasir rabitə vasitələrinin və avtomatlaşdırılmış idarəetmə sistemlərinin tətbiqi ilə keçirilən təlimlərdə qoşunların qarşılıqlı fəaliyyətinin təşkili, səhra idarəetmə məntəqələrinin açılması və digər tədbirlər icra olunur”.
Təlimlərin aprelin 8-dək davam edəcəyi bildirilir.
“24 saat” “Azərbaycan və Türkiyə birgə təlimlərə başlayıb” başlıqlı yazını “Azadlıq Radiosu”na istinadən dərc edib.
