Azərbaycan və Türkiyə qoşunları birgə təlimlərə başlayır
Azərbaycan və Türkiyə ordularının rabitə qoşunları birgə təlimlərə başlayır.
Bu barədə bu gün, aprelin 4-də Azərbaycan Müdafiə Nazirliyi məlumat yayıb.
Məlumatda yazılıb ki, aprelin 6-da Azərbaycan və Türkiyə hərbi qulluqçularının iştirakı ilə rabitə qoşunlarının birgə taktiki-xüsusi təlimləri başlayır.
Açıqlamaya görə, təlimlər zamanı hərbi rabitəçilər tapşırıqların yerinə yetirilməsi rayonlarına çıxarılaraq vahid rabitə sisteminin təşkil edilməsi üzrə tapşırıqları yerinə yetirəcəklər:
“Müasir rabitə vasitələrinin və avtomatlaşdırılmış idarəetmə sistemlərinin tətbiqi ilə keçiriləcək təlimlərdə qoşunların qarşılıqlı fəaliyyətinin təşkili, səhra idarəetmə məntəqələrinin açılması və digər tədbirlər icra olunacaq.”
Təlimlərin aprelin 8-dək davam edəcəyi bildirilir.
“24 saat” “Azərbaycan və Türkiyə qoşunları birgə təlimlərə başlayır” başlıqlı yazını “Azadlıq Radiosu”na istinadən dərc edib.
