Azərbaycan vətəndaşlığı üçün müraciət edən ermənilərə razılıq verilməlidirmi?
Pənah Hüseyn: “Bu məsələdə beynəlxalq hüquq prinsipləri əsas götürülməlidir”
Son vaxtlar Avropada mühacir həyatı keçirən bəzi ermənilərin Azərbaycan vətəndaşlığı almaq üçün ökə başçısına yönəlik müraciəti ünvanlanmaqdadır. Maraqlıdır, Azərbaycan vətəndaşlığı almaq istəyən ermənilərə belə bir vətəndaşlıq verilməlidirmi? Bu amildən düşmən Ermənistana qarşı təbliğat məqsədi ilə istifadə etmək olarmı?
24saat.org-a açıqlama verən AXP sədri Pənah Hüseyn məsələnin beynəlxalq hüquq prinspləri əsasında həll edilməsi gərəkdiyini vurğuladı:
“Onsuz da keçmiş Azərbaycan SSRİ dönəmində Dağlıq Qarabğda yaşayan ermənilər Azərbaycan vətəndaşı hesab olunurdu. Bu gün vətəndaşlıq üçün müraciət edən ermənilərə gəlincə, hesab edirəm ki, bu məsələ beynəlxalq hüquq prinsiplərinə əsasən həll edilməlidir. Yəni bu problemə yanaşmada beynəlxalq hüquq prinsiplərini rəhbər tutmaq daha doğrudur. Lakin təbii ki, bundan təbliğat məqsədi ilə də istifadə etmək mümkündür və düşünürəm ki, məlum problemə yanaşmada bu amilə də diqqət yetirmək lazımdır”.
Seymur Əliyev