Azərbaycana idxal olunacaq nüvə reaktorları gömrük rüsumundan azad edilib
Gələn il yanvarın 1-dən Azərbaycana idxal edilən nüvə reaktorları, nüvə reaktorları üçün şüalanmamış istilikayırıcı elementlər (tvellər), izotopların ayrılması üçün avadanlıq və qurğular idxal gömrük rüsumundan azad edilib.
APA-nın məlumatına görə, bu, Nazirlər Kabinetinin təsdiq etdiyi “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə əksini tapıb.
Hazırda qüvvədə olan “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri”nə əsasən nüvə reaktorları, nüvə reaktorları üçün şüalanmamış istilikayırıcı elementlər (tvellər), izotopların ayrılması üçün avadanlıq və qurğulara 0,50 faiz idxal gömrük rüsumunun tətbiqi nəzərdə tutulub.