Sülhəddin Əkbər: ” Ölkə parlamentar sistemə keçməlidir”
“Azərbaycanda prezidentlik institutu ləğv edilməlidir. Ölkə parlamentar sistemə keçməlidir”.
Bunu 24saat.org-a açıqlamasında Azad Demokratlar Partiyasının sədri, politoloq Sülhəddin Əkbər bildirib. S.Əkbərin sözlərinə görə, demokratik ölkələrin böyük əksəriyyətində parlamentar üsul-idarə hökm sürür ki, bu da hakimiyyətin bir əldə cəmləşməsinə imkan vermir:
“Əksər demokratik sistemlərin hamısında parlamentar demokratik sistem mövcuddur. Azərbaycan Respublikası Xalq Cümhuriyyətinin varisidir. Xalq Cümhuriyyətində də parlamentar üsul-idarə mövcud olub. Demokratik baxımdan inkişaf etməyən ölkələrdə prezidentlik üsul-idarəsi heç yaramır. Çünki prezidentlik üsul-idarəsi hakimiyyətin bir əldə toplanmasına gətirib çıxardır. Bu sistem ləğv edilməlidir. Əgər başqanlıq sistemi mövcuddursa, o zaman hökumətin başında başkan dayanmalıdır. Azərbaycanda isə hələ ki, qarışıq sistem mövcuddur”.
Seymur Əliyev
24saat.org