Azərbaycanda Ukrayna vətəndaşları 3 aydan çox qala bilər
Azərbaycanda Ukrayna vətəndaşları üçün viza rejimi yüngülləşdirilə bilər
Azərbaycanda Ukrayna vətəndaşları üçün viza rejimi yüngülləşdirilə bilər.
Artıq onlar Azərbaycanda 3 aydan çox qala bilərlər.
Azərbaycanın Miqrasiya Xidmətinin məlumatında belə deyilir.
Xidmətdən vurğulanıb ki,Azərbaycan qanunvericiliyinə əsasən, Ukrayna vətəndaşları 90 gün ölkədə qala bilərlər:
“Ukraynada hazırki vəziyyəti nəzərə alaraq, bu ölkənin vətəndaşlarının 90 gün başa çatdıqdan sonra Azərbaycanda qalma müddətlərinin uzadılması haqqında müraciətlərinə baxıla bilər“, – deyə Miqrasiya Xidmətinin ictimaiyyətlə əlaqələr idarəsinin rəhbəri Elnur Kələntərov “Turan” Agentliyinə deyib.
Qeyri-rəsmi məlumatlara görə, Azərbaycanda 10 mindən çox ukraynalı var.
Amma rəsmi rəqəmlər açıqlanmayıb.
Xatırlatma
Bu il fevralın 24-də Rusiya Ukraynaya təcavüz edib. Sonra bu ölkəyə Qərb ölkələrinin sanksiyaları (2014-cü ildə Ukrayna ərazisi olan Krımın ilhaqından sonra Rusiya sanksyalarla üzləşmişdi) genişlənib.
Rusiyanın bir çox bankları SWIFT sistemindən (“Ümumdünya Banklarası Maliyyə Telekommunikasiya Cəmiyyəti” – sərhədlərarası sürətli ödənişləri, beynəlxalq ticarəti mümkün edən təhlükəsiz sistemdir) çıxarılıb.
Azərbaycan isə sanksyalara qoşulmur.
Bu müharibə nəticəsində on minlərlə insanların həlak olduğu, milyonlarla insanın didərgin düşdüyü bildirilir.