İlham Məmmədov yeni səfir təyin edilib

Həsən Zeynalov Azərbaycanın Əfqanıstan İslam Respublikasında fövqəladə və səlahiyyətli səfiri vəzifəsindən geri çağrılıb.

Bu barədə dövlət başçısı İlham Əliyev iyulun 28-də sərəncam imzalayıb.

Saytların yığılması

Prezidentin digər sərəncamı ilə İlham Məmmədov Azərbaycanın Əfqanıstan İslam Respublikasında fövqəladə və səlahiyyətli səfiri təyin edilib.

Həsən Zeynalov 2015-ci ildən Azərbaycanın Türkmənistanda və Əfqanıstan İslam Respublikasında səfiri vəzifəsində çalışır.

O, 1992-2004-cü illərdə Naxçıvan Muxtar Respublikasının Bakı şəhərindəki Daimi nümayəndəsi, 2004-2010-cu illərdə Türkiyənin Qars, ardınca İstanbul şəhərində Azərbaycanın Baş konsulu, 2010-2015-ci illərdə Qara Dəniz İqtisadi Əməkdaşlıq Təşkilatı yanında Daimi nümayəndəsi olub.