“Azadlıq”ı çap edən mətbəə də bağlandı
Azərbaycanda qəzet nəşri ilə məşğul olan “E-Q” Məhdud Məsuliyyətli Cəmiyyət fəaliyyətini dayandırıb. Bu barədə “Turan” agentliyinə mətbəənin təsisçisi və direktoru Akif Quliyev məlumat verib.
Əsasən, müstəqil qəzetlərin çapını həyata keçirmiş mətbəə sahibinin deməsinə görə, onları belə addım atmağa vergi yoxlamaları vadar edib.
“Son dövrdə baş verən əsassız vergi yoxlamaları, eləcə də digər yoxlamalara görə bu addımı atmağa məcbur olduq”, Akif Quliyev bildirib.
Ötən ilin avqustundan fəaliyyəti dayandırılan “Azadlıq” qəzeti də bayram və istirahət günlərində “E-Q” mətbəsində çap edilirdi.
“Azadlıq” qəzetinin yayım direktoru Faiq Əmirli həbs olunandan sonra mətbəənin rəhbəri də dəfələrlə vergi və prokurorluq orqanlarına çağırılmışdı.
24saat.org
Mənbə – azadliq.info
