Heydər Əliyev Beynəlxalq Hava Limanının ərazisində içərisində 4000 avro olan çanta oğurlanıb.

Bu barədə Daxili işlər Nazirliyi məlumat yayıb.

Belə ki, Nəqliyyatda Baş Polis İdarəsinin Hava Nəqliyyatında Polis İdarəsi əməkdaşlarının keçirdikləri əməliyyat-axtarış tədbirləri nəticəsində martın 16-da Heydər Əliyev Beynəlxalq Hava Limanının ərazisində Bakı şəhər sakininə məxsus, içərisində 4000 avro olan çantanı oğurlamaqda şübhəli bilinən paytaxt sakini Vaqif Rzayev tutulub.

Araşdırmalar davam etdirilir.