İqtisadiyyat
Bakı Neft Emalı Zavodunda tikinti işləri mart ayında başlayacaq
Heydər Əliyev adına Bakı Neft Emalı Zavodunda (NEZ) tikinti işləri 2017-ci ilin mart ayında başlayacaq.
“Trend”in məlumatına görə, bunu SOCAR-ın strateji inkişaf üzrə vitse-prezidenti Tofiq Qəhrəmanov deyib.
Onun sözlərinə görə, tikinti işləri ilə bağlı iki tender keçiriləcək. Yanvar ayında keçiriləcək tenderdə yeni qurğuların inşası ilə məşğul olacaq şirkətin adı məlum olacaq.
Aprel ayında keçiriləcək tender nəticəsində isə abadlaşdırma işlərini həyata keçirəcək podratçının adı açıqlanacaq.
