Gündəm
Bakıda körpələr evində yanğın olub
Bu gün, aprelin 14-ü Bakıdakı körpələr evinin birində yanğın olub.
Fövqəladə Hallar Nazirliyinin məlumatına görə, hadisə paytaxtın Pirallahı rayonunda baş verib.
“Ümumi sahəsi 450 kvadratmetr olan ikimərtəbəli “Cırtdan” körpələr evinin zirzəmisində 3 kvadratmetr sahədə məişət tullantıları yanıb. Yanğın zamanı otaqlardan 18 nəfər azyaşlı uşaq xilas olunub. Körpələr evinin qalan hissəsi yanğından mühafizə olunub. Yanğın söndürülüb”, – deyə məlumatda qeyd edilir.
Yanğının baş vermə səbəbi, hələlik, açıqlanmır.
24saat.org
Mənbə – azadliq.org