Xəbərlər
Bakıda polis rəisinin “Land Cruiser”i qəzaya düşdü – FOTO
Bakının Yasamal rayonu ərazisində yol qəzası baş verib.
24saat.org azvision.az-a istinadən bildirir ki, qəza rayonunu Dadaş Bünyadzadə küçəsində qeydə alınıb.
Belə ki, taksi fəaliyyəti ilə məşğul olan “Chevrolet aveo” markalı avtomobil “Toyota Land Cruiser” markalı avtomobillə qarşı-qarşıya toqquşub. Hadisə nəticəsində xəsarət alan olmasa da, avtomobillərə ciddi ziyan dəyib.
Qeyd edək ki, “Toyota Land Cruiser” markalı avtomobil Yasamal Rayon Polis İdarəsi 29-cu Polis Bölməsinin rəisi Vüsal Qaraşovun xidməti avtomobilidir.
Qəza baş verən zaman rəisin özü maşında olmayıb. Onun sürücüsü isə hadisə yerində xəsarət almayıb.
Faktla bağlı araşdırma aparılır.