Now Reading:
Bakıda şirkət 90-dan çox işçisini qovdu: “Yolu bağlayacağıq…”

Bakıda tikinti şirkətinin 90-dan çox işçisi bir gündə işdən çıxarılıb.

az24saat.org bildirir ki, bu barədə “Baku.ws”ə “North West” şirkətinin işdən qovulan işçiləri məlumat veriblər.

Onların sözlərinə görə, şirkət rəhbərliyi son bir ayın maaşını da verməyib.

“Bizi heç bir xəbərdarlıq edilmədən işdən çıxarıblar. Sayımız 90-dan çoxdur. Səbəb kimi deyirlər ki, şirkətdə böhran yaşanır. Bunu başa düşdük, amma əvvəlcədən deyərdilər ki, işdən çıxarılacağıq, biz də işimizi bilərdik. Bir günün içərisində hamımızı işdən qovdular. Təzminat tələb edirik”, – deyə şikayətçilər bildirib.

Narazı işçilərin sözlərinə görə, işdən çıxarılmaları ilə yanaşı müxtəlif hədə-qorxu gəliblər və çalışanları təhqir ediblər.

“Bizimlə əmək müqaviləsi də imzalanmayıb. Qanundan yayınıblar”, – deyə “North West” şirkətindən çıxarılan Kənan Əmrahlı bildirib.

90-dan çox işçi etiraz əlaməti olaraq Aeroport yolunu bağlayacaqlarını söyləyib.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.