Now Reading:
Bakıda transformatora girən uşaq yandı

Bakıda transformatora girən uşaq yandı

Bakıda azyaşlı uşağın yanması ilə nəticələnən bədbəxt hadisə baş verib.

“Report”un xəbərinə görə, insident Xəzər rayonunda qeydə alınıb.

2012-ci il təvəllüdlü Abbasova Aysu Taleh qızı həmyaşıdları ilə futbol oynayarkən, top yaxınlıqdakı transformatorun yanına düşüb. A.Abbasova topu axtararkən transformatorun içərisinə daxil olub. Bu zaman uşaq ehtiyatsızlıqdan açıq elektrik naqillərinə toxunub. Nəticədə A.Abbasovanı cərəyan vuraraq yandırıb.

Ağır xəsarət alan uşaq Respublika Yanıq Mərkəzinə yerləşdirilib.

Qeyd edək ki, uşaq Bakıya Sabirabad rayonundan ailəsi ilə qonaq gəlib.

Faktla bağlı araşdırma aparılır.

24saat.org

Mənbə – azadliq.info

Input your search keywords and press Enter.