Bakının mərkəzində əməliyyat: “Qara İmişlinski” tutuldu – FOTOLAR/VİDEO
Sosial şəbəkələrdə cinayətkarlığı təbliğ edən videolar paylaşan və üzərində qanunsuz olaraq “Kalaşnikov” markalı avtomat gəzdirən şəxs saxlanılıb.
DİN-in Mətbuat xidmətindən Pressklub.az-a bildirilib ki, Nəsimi RPİ-nin 21-ci Polis Bölməsinin keçirdiyi əməliyyat nəticəsində əvvəllər məhkum olunmuş İmişli rayon sakini Qasıməli Qasımov tutularaq istintaqa təqdim edilib. Ondan 1 ədəd “Kalaşnikov” markalı avtomat, 3 ədəd patron və həmin silaha məxsus 1 ədəd daraq aşkar edilib. Qasıməli Qasımov odlu silah-sursatı bir müddət əvvəl əldə etdiyini, lakin polisə təhvil verməyərək özündə saxladığını bildirib.
Qeyd edək ki. saxlanılan şəxs özünü kriminal aləmdə “Qara İmişlinski” ləqəbi ilə təqdim edir və bu ləqəblə tanınır.
Faktla bağlı əməliyyat-istintaq tədbirləri davam etdirilir.
The post Bakının mərkəzində əməliyyat: “Qara İmişlinski” tutuldu – FOTOLAR/VİDEO appeared first on 24 saat.
