2023-01-26 23:25:58
Banqladeşdə bir oğlanın dostları ilə oynadığı gizlənqaç oyunu Malayziyada başa çatıb. Yanvarın 12-də Banqladeşin Çittaqonq şəhərindən 1337 konteyner yükü ilə yola çıxan MV Integra yük gəmisi 5 günlük dəniz səyahətindən sonra yanvarın 16-da Malayziyanın Port Klanq limanına gəlib. Konteynerlərin yerləşdiyi yük yerindən qışqırıq və zərbə səsləri eşidən ekipaj vəziyyəti gəmi kapitanına çatdırıb. Səslərin haradan gəldiyini anlamaq mümkün olmayan gəmi fövqəladə vəziyyətdə limana çəkilib.
Səlahiyyətlilər ətraflı axtarışdan sonra səslərin gəldiyi konteyneri tapıblar və konteynerin içərisində taqətdən düşmüş kimi görünən qəribə uşaq tapıblar.
Malayziya limanında Banqladeşli işçilərin köməyi ilə əlaqəyə girən 12-15 yaşlı Fahimin Banqladeşdəki limana yaxın bir bölgədə dostları ilə gizlənqaç oynayarkən konteynerə gizləndiyi öyrənilib. Fahim ilk ifadəsində oyandığı zaman konteynerin qapağının bağlı olduğunu və yolda olduğunu, Malayziya xilasetmə qrupları tərəfindən sağlamlıq vəziyyətinin yoxlanılması üçün xəstəxanaya aparıldığını bildirib.
Mövzu ilə bağlı açıqlamasında Malayziyanın daxili işlər naziri Saifuddin Nasution İsmail hadisədə insan alveri ilə bağlı heç bir dəlil tapmadıqlarını və vəziyyətin qəza olduğunu, xilas edilən uşağın sağlamlıq yoxlamalarından sonra ölkəsinə göndəriləcəyini bildirib. .
Tərcümə“24 SAAT”