2022-10-25 13:15:02
Banqladeşin sahil bölgələrində təsirli olan Sitrang qasırğası dünən quruya çatıb. Leysan yağışları və güclü küləklərə səbəb olan qasırğa nəticəsində 10 milyona yaxın insan işıqsız qalıb.
Xüsusilə cənub və cənub-qərbdə 15 sahil bölgəsinə təsir edən qasırğa səbəbindən məktəblərin fəaliyyəti dayandırılıb. Hökumət rəsmisi Cebun Nahar, ağacların aşması nəticəsində 14 nəfərin həyatını itirdiyini, Camura çayında batan qayıqda 2 nəfərin həyatını itirdiyini açıqlayıb.
Digər tərəfdən, Fövqəladə Halların İdarə Edilməsi və Yardım Nazirliyinin katibi Kamrul Əhsən təxliyə edilən 1 milyona yaxın insanın gecəni çoxmərtəbəli sığınacaqlarda keçirdiyini bildirib və “Bu səhər çox sayda insan evlərinə qayıtdı” deyib.
Tərcümə“24 SAAT”