Now Reading:
“Baş prokurorun qohumuyam” deyib vətəndaşları aldatdı

FHN-ə işə “düzəldən”, həbsdən adam “çıxaran” şəxsin məhkəməsi başladı

Bakı Ağır Cinayətlər Məhkəməsində dələduzluqda təqsirləndirilən Elşad Atakişiyevin cinayət işi üzrə məhkəmə iclası davam etdirilib.
Hakim Faiq Qəniyevin sədrliyi ilə keçirilən prosesdə dövlət ittihamçısı ittiham aktını elan edib.

İttihama görə, E.Atakişiyev Bakıda həbsdə olan şəxsin həyat yoldaşı Səadət Məmişovaya qarşı dələduzluq edib. O, 2013-cü ildə özünü hüquq-mühafizə orqanlarında rəhbər şəxslərin qohumu kimi təqdim edib, həbsdə olan şəxsin azad olunmasına köməklik göstərəcəyinə dair vəd verib.
E.Atakişiyev digər zərərçəkmiş Elşad Zeynalovun isə oğlunu Fövqəladə Hallar Nazirliyinə işə düzəldəcəyini bildirib.
E.Atakişiyev S.Məmişovanın 20 min və E.Zeynalovun isə 1500 manat pulunu dələduzluq yolu ilə ələ keçirib.
2014-cü ildə onun barəsində cinayət işi başlanılıb, lakin həbs qətimkan tədbiri seçilməyib. Daha sonra E.Atakişiyev məhkəmə iclaslarına gəlməyib və onun barəsində axtarış elan olunub. Bu il isə o, Gəncədə həbs edilib və cinayət işi yenidən məhkəməyə göndərilib.
E.Atakişiyev Cinayət Məcəlləsinin 178.2.3-cü (külli miqdarda dələduzluq) maddəsi ilə ittiham edilir.
E.Atakişiyev özünü elan olunmuş ittiham üzrə təqsirli bildiyini deyib. O, sərbəst ifadəsində zərərçəkmiş Səadət Məmişovadan 6 min manat borc pul aldığını söyləyib: “Onu Rövşənin vastəsi ilə tanımışam. Səadətlə aramızda qardaş-bacı münasibətimiz. Tikintidə işləyirdim, ondan 6 min manat borc pul aldım. Sonra Səadətin həbsdə olan həyat yoldaşını həbsdən azad etdirməyə kömək edəcəkdim, lakin alınmadı. Ona isə 7 min 200 manat pul qaytarmışam”.
Məhkəmədə məlum olub ki, zərərçəkmiş S.Məmişovanın həbsdə olan həyat yoldaşı Namiq Məmişov da daha əvvəl dələduzluqda təqsirli bilinərək həbs olunub.
E.Atakişiyev qeyd edib ki, digər zərərçəkmiş Elşad Zeynalovdan da 1500 manat borc pul alıb.
Zərərçəkmiş S.Məmişova məhkəmədə dindirilən zaman deyib ki, E.Atakişiyevlə onu Rövşən adlı şəxs tanış edib: “Zərərçəkmiş S. Məmişova məhkəmədə dindirilən zaman deyib ki, E.Atakişiyevlə onu Rövşən adlı şəxs tanış edib: “Rövşən Elşadı baş prokuror Zakir Qaralovun yaxın qohumu kimi təqdim elədi. Onun özü də bunu da təsdiqlədi, dedi kirvədilər. Tikintidən işlədiyi demədi. Həbsdə olan ərim Namiqi azadlığa çıxaracaqdı. Pulu isə Rövşənə verdim. Amma onlar ərimi həbsdən çıxartmadılar”. “.
S.Məmişova bildirib ki, 20 min manat məbləğində ziyana düşüb, həmin puldan isə 6 min geri qaytarılıb.
Daha sonra E.Atakişiyev isə söyləyib ki, S.Məmişovadan 6 min manat pulu sələm kimi götürüb.
Digər zərərçəkmiş Elşad Zeynalov ifadəsində söyləyib ki, E.Atakişiyev oğlunu Fövqəladə Hallar Nazirliyinə işə düzəltmək adı ilə ondan 1500 manat pul alıb. O deyib ki, pulu E.Atakişiyevə verəndən bir müddət sonra yoxa çıxıb.
E.Atakişiyev isə E.Zeynalovun yalan danışdığını, ondan borca pul aldığını bildirib.
Məhkəmənin növbəti iclası iyulun 16-na təyin edilib.

Bizimyol.info

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.