AZ24SAAT.ORG

Now Reading:
Baş redaktor nazir və Baş Prokurora müraciət etdi – Döyülən əməkdaşına görə…

“Unikal” qəzetinin baş redaktoru Asəf Rzayev Azərbaycan Respublikasının Baş Prokuroru cənab Zakir Qaralova və Daxili İşlər Naziri cənab Ramil Usubova müraciət edib.

Unikal.org həmin müraciətin mətnini təqdim edir:

Hörmətli cənab Baş prokuror və cənab nazir!

Qeyd edim ki, aprel ayının 9-da “Unikal.org” informasiya portalının əməkdaşı dünyasını dəyişmiş Səhiyyə nazirinin müavini Abbas Vəlibəyovun dəfn mərasimini işıqlandırmaq istəyərkən hücuma məruz qalıb.Belə ki, Yasamal qəbiristanlığında mərhumla dəfn mərasimini lentə alan əməkdaşımız Famil Fərhadoğlu (İbrahimov) nazir Oqtay Şirəliyevin yaxınlarının hücumuna məruz qalıb. Əməkdaşımız üz və qol nahiyyəsindən xəsarət alıb. Həmçinin, mobil telefonu əlindən alınaraq, sındırılıb. Həmin vaxt 30-35 yaşlı gənc və orta yaşlı kişi əməkdaşımıza hücum edərək üzünə sillə və yumruq vuraraq, çəkiliş apardığı telefonu əlindən alıb sındırıblar. Hadisə ilə bağlı Daxili İşlər Nazirliyinin “102” xidməti-zəng mərkəzinə müraciət olunub. Müraciətdən sonra döyülən əməkdaşımız Famil Fərhadoğlu (İbrahimov) Yasamal rayon 28-ci polis bölməsinə çağırılıb və izahatı alınıb. Amma əməkdaşımızın peşə fəaliyyətinə mane olan və ona xəsarət yetirən şəxslərin kimliyi bəlli olsa da, hansısa səbəbdən polisə gətirilə bilməyiblər.

Hörmətli cənab Baş prokuror və cənab nazir!

Azərbaycan Respublikasının Prezidenti, cənab İlham Əliyev daim media işçilərinin qayğısına qalır, onların səmərəli fəaliyyəti üçün ölkədə münbit şəraitin yaradılması üçün səy göstərir. Ölkə başçısı jurnalistləri özünün köməkçisi hesab edir və məmurları KİV nümayəndələrinin fəaliyyətinə mane olmamağa çağırır. Görünən odur ki, ölkənin birinci şəxsinin özünə köməkçi hesab etdiyi jurnalistlərin fəaliyyətinə əngəllər törədənlərə hələ də rast gəlinir.

Unikal.org” informasiya portalı olaraq məlum hadisəyə Sizlər tərəfindən operativ reaksiya veriləcəyinə və təqsirkarların tezliklə tapılaraq cəzalandırılacağına inanırıq.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.