ABŞ prezidenti Co Bayden hesab edir ki, hazırda dünyada nüvə müharibəsi təhlükəsi yoxdur.

“24 saat” xəbər verir ki, Amerikalıların nüvə müharibəsindən narahat olub-olmaması barədə suala Bayden qısaca “xeyr” deməklə kifayətlənib.

Xatırladaq ki, bu gün “Ağ ev” sözçüsü də Putinin nüvə təhdidi ilə bağlı iddiasına cavab olaraq, “Amerika üçün belə bir təhdid yoxdur və biz müdafiə əmsalımızda hansısa dəyişiklik etmək fikrində deyilik” deyərək iddianın əsassız olduğu qabardıb.

Xatırladaq ki, Putin bu günlərdə bir neçə dəfə NATO ölkələrini nüvə silahı ilə təhdid edib.

Onu da qeyd edək ki, Baydendən əvvəl BMT baş katibinin rəsmi nümayəndəsi Stefan Düjarrik nüvə münaqişəsinin mümkünlüyü ideyasını ağlasığmaz hesab etdiyini bildirmişdi.