Belçika mətbuatında yer alan xəbərlərə görə, Brüsseldə Şimal Vağzalının yaxınlığında baş verən hadisədə bıçaqlı bir şəxs ərazidə patrulluq edən polis qrupuna hücum edib.
Hücumda boynundan yaralanan bir polis məmuru ölüb, digər polis məmuru yaralanıb. Hücum edən şəxs hadisə yerinə gələn başqa bir polis əməkdaşı tərəfindən zərərsizləşdirilib.
Bildirilib ki, hücum edən şəxs bu gün səhər saatlarında polis bölməsinə gedərək hücum təşkil edəcəyini bildirib.
Psixoloji problemləri olduğu ehtimal edilən şəxsin müayinə olunmaq üçün xəstəxanaya aparıldığı, daha sonra evə buraxıldığı bildirilib.
Qeyd olunub ki, prokurorluq hücumda terror ehtimalını da qiymətləndirib. (AA)
Tərcümə“24 SAAT”
