Azərbaycana idxal olunan benzinin qiymətində artım baş verib.

24.saat.org-un  xəbərinə görə, artıq yanacaqdoldurma məntəqlərində “AI-95 Premium” və “Aİ-98 Super” markalı benzinin  yeni qiymətləri tablolara vurulub.Sosial şəbəkə istifadəçiləri bu barədə məlumatlar veriblər.

Belə ki, “AI-95 Premium” markalı benzinin yeni qiyməti 1,15 AZN, və “Super Aİ-98”  markalı benzinin yeni qiyməti isə 1,20 AZN müəyyənləşib.

Qeyd edək ki, bu markalı benzinlər ölkəyə idxal olunur və qiyməti sərbəst tənzimlənir.

Qiymət artımı Azərbaycanda istehsal olunan  “AI-92” markalı benzin  və “L-62” markalı dizel yanacağının qiyməti isə Tarif Şurası tərəfindən tənzimlənir . Bu məhsulların qiymətində heç bir dəyişiklik baş verməyib.

Xatırladaq ki, ölkəyə idxal olunan benzinin qiyməti bundan əvvəl bu ilin yanvarın 13-də artmışdır. Həmin vaxt “Aİ-95 Premium” markalı benzin 1,05 AZN, “Aİ-98 Super” markalı benzin isə 1,10 AZN idi.