Son xəbər: Birləşmiş Millətlər Təşkilatının (BMT) Təhlükəsizlik Şurası Suriyanın şimal-qərbinə humanitar yardımın çatdırılması üçün Türkiyənin Cilvegözü Sərhəd Qapısından istifadəyə icazə verən qərarı daha 6 ay uzadıb.
BMT-nin 15 üzvü olan Təhlükəsizlik Şurası iyulun 10-dək Türkiyə üzərindən təxminən 4 milyon insana humanitar yardımın çatdırılmasına icazə verən qətnaməni yekdilliklə qəbul edib.
BMT-nin məlumatına görə, 2023-cü ildə təxminən 15,3 milyon insanın (münaqişə 2011-ci ildə başlayandan bəri ən yüksək rəqəm) humanitar müdafiə və yardıma ehtiyacı olacaq.
BMT Təhlükəsizlik Şurasının 2014-cü ildə qəbul etdiyi qətnamə layihəsinə əsasən, Suriyanın şimal-qərbindəki bölgələrə beynəlxalq yardım göndərilir.
Hazırda ərzaq və dərman yardımı yalnız Cilvegözü Sərhəd Qapısı vasitəsilə çatdırılır. (AA)
Tərcümə“24 SAAT”
