BMT Rusiyanın bu davranışını “ÜRPƏDİCİ ADDIM” olaraq qiymətləndirdi
Rusiyanın Ukraynaya hücumları davam edərkən, Birləşmiş Millətlər Təşkilatının (BMT) Baş Assambleyası növbədənkənar iclas keçirib. İclasda çıxış edən BMT-nin baş katibi Antonio Quterreş “Ukraynadakı münaqişələr dayandırılmalıdır. Münaqişə bütün ölkə boyu – hava, quru və dəniz yolu ilə yayılır. İndi dayanmalıdır. Rusiya raketləri və hava bombardmanları gecə-gündüz Ukrayna şəhərlərini vurur. Paytaxt Kiyev hər tərəfdən mühasirəyə alınıb”.
“3 MİLYON İNSAN TƏHLÜKƏ ALTINDADIR”
Davam edən hücumlar nəticəsində paytaxt Kiyevdə 3 milyon insanın təhlükə altında olduğunu bildirən Quterreş, “Ukrayna hökuməti ölkənin müdafiəsində iştirak etmək üçün əhaliyə çoxlu sayda silah paylayıb. “BMT QAK-ın məlumatına görə, yarım milyon ukraynalı artıq ölkəsini tərk edib” dedi.
Mülki yaşayış məntəqələrinə də ciddi ziyan dəydiyinə dair etibarlı məlumata sahib olduqlarını bildirən Qutteres “Rusiya hücumlarının əsasən hərbi obyektləri hədəf aldığı bildirilsə də, uşaqlar qarışıq dinc əhalinin ölümü ilə nəticələnən bu şiddətin artması qətiyyən qəbuledilməzdir” deyib.
“ƏSGƏRLƏR KAZARMALARINA QAYITMALIDIR”
Əsgərlərin kazarmalarına qayıtmasının lazım olduğunu vurğulayan Quterreş “Liderlər sülh yolu ilə getməlidir. Vətəndaşlar qorunmalıdır. Beynəlxalq humanitar və insan haqları hüququ qorunmalıdır. Ukraynanın beynəlxalq səviyyədə tanınmış sərhədləri daxilində suverenliyinə, müstəqilliyinə və ərazi bütövlüyünə Baş Assambleyanın qətnamələrinə uyğun olaraq hörmət edilməlidir.
“BU ÜRPƏDİCİ HALDIR”
Ukrayna üçün bir faciə və eyni zamanda potensial fəlakətli nəticələri olan böyük bir regional böhranla qarşı-qarşıya qaldıqlarını ifadə edən Quterreş, “Dünən Rusiya nüvə qüvvələri yüksək hazırlıq vəziyyətinə gətirildi. Bu ürpədici addımdır. Nüvə münaqişəsi ideyası sadəcə ağlasığmazdır. “Heç nə nüvə silahından istifadəyə haqq qazandıra bilməz”.
Ukraynadan gələn qaçqın və köçkünlərin sayının hər dəqiqə artdığını qeyd edən Quterreş “Avropanın onilliklərin ən pis humanitar və qaçqın böhranına çevrilə biləcək bir hadisə ilə üz-üzəyik” dedi.
“YARDIM ARTACAQ”
Ukraynaya humanitar yardımın artırılacağını ifadə edən Quterreş “Hələ keçən həftə baş verən hadisələrdən əvvəl Birləşmiş Millətlər Təşkilatı təmas xəttinin hər iki tərəfində təxminən 3 milyon insana humanitar yardım göstərirdi. “Hazırda Birləşmiş Millətlər Təşkilatı humanitar ehtiyacları qiymətləndirmək və müdafiə və sığınacaq üçün ehtiyacı olan daha çox insana, xüsusən də qadınlara, uşaqlara, qocalara və əlillərə həyati əhəmiyyətli dəstəyin çatdırılmasını artırmaq üçün 24 saat işləyir.”
“24 saat”
