Braziliyada keçirilən prezident seçkilərində Luiz İnasio Lula da Silva qalib gəldikdən sonra prezident Jair Bolsonaro iki günlük sükuta son qoyub və mətbuat konfransı keçirib. Bolsonaro çıxışında Lulanı təbrik etməyib.
Ötən bazar Braziliyada keçirilən prezident seçkilərinin ikinci turunda uduzan prezident Jair Bolsonaro iki gündür davam edən sükutu pozaraq mətbuat konfransı keçirib. Bolsonaro 2 dəqiqəlik çıxışında ona səs verən 58 milyon braziliyalıya təşəkkür edib və ölkə daxilində seçicilərinin təşkil etdiyi etirazlara toxunub.
Etirazların gərgin seçki prosesində vətəndaşların yaşadıqları qəzəb və ədalətsizlik hissləri nəticəsində ortaya çıxdığını bildirən Bolsonaro seçicilərinə müraciət edərək, aksiyalarını dinc üsullarla həyata keçirmələrini istəyib və “Solçuların hərəkətləri daşıma hüququna mane olmaq, ictimai və şəxsi əmlaka zərər vermək bizim üsullarımız arasında deyil”.
O, LULANI ADIN ETMEDI
Bolsonaro həmçinin bildirib ki, o, həmişə antidemokratik olmaqda ittiham olunub, lakin heç vaxt konstitusiyadan kənara çıxmayıb. Bolsonaronun çıxışında Lulanın adını çəkməməsi və ya təbrik etməməsi diqqət çəkib.
Bolsonaro seçiciləri iki gündür etiraz edirlər
Seçkilərin nəticələri açıqlandıqdan sonra Bolsonaro seçiciləri ölkə daxilində etiraz aksiyalarına başlayıb. Leyboristlər Partiyasının namizədi Luiz İnasio Lula da Silvanın seçkilərdə az fərqlə qalib gəldiyini açıqlayandan sonra, nəticədən məmnun olmayan Bolsonaro tərəfdarları yük maşınları ilə barrikadalar qurub, bir çox magistral yolu bağlayıblar. Braziliya Federal Yol Polisi (PRF) bildirib ki, fəallar ölkə daxilində 227 federal magistralda nəqliyyatın hərəkətini bağlayıblar.
LULA 1,8 FAZİ QƏLƏBƏ OLUB
Prezident seçkilərində Lula 50,9 faiz, Bolsonaro isə 49,1 faiz səslə qalib gəlib. İlk nəticələr açıqlandıqdan sonra Braziliya Ali Seçki Məhkəməsinin (TSE) sədri Alexandre de Moraes Lulanın seçkidə qalib gəldiyini bəyan edib və seçkilərdə etiraz ediləcək heç bir vəziyyətin olmadığını bildirib.
Tərcümə“24 SAAT”
