Loading...
Loading...
SEÇMƏ

Britaniya ordusu Rusiyaya qarşı döyüş hazırlığına gətirilir

Patrick Sandersin daxili mesajlaşmada orduya xəbərdarlıq etdiyi bildirilir

Böyük Britaniya ordusunun yeni rəhbəri Patrick Sandersin qoşunlara döyüş meydanında Rusiya ilə qarşılaşmağa hazır olmaları barədə xəbərdarlıq etdiyi bildirilir.

BBC-nin əldə etdiyi məlumata görə, Patrick Sanders daxili mesajda bütün hərbi rütbəlilərə və dövlət qulluqçularına müraciət edib.

General Patrick Sanders iyunun 16-da Böyük Britaniya ordusunun yeni rəhbəri kimi işə başlayıb.

General bildirib ki, ordu və müttəfiqlər indi Rusiyanı məğlub etməyə qadir olmalıdır.

İngiltərədə müdafiə sahəsində çalışan mənbəsi BBC-yə bildirib ki, Müdafiə Nazirliyinin daxili intranetində yayılan mesajın tonu təəccüblü deyil:

“Dedilər ki, bütün ordu döyüşmək üçün məşq etsin”.

General Patrick Sanders mesajında ​​həmçinin qeyd edib ki, Rusiyanın Ukraynaya təcavüzü onun əsas məqsədini – Böyük Britaniyanı qorumaq, quruda döyüşməyə və müharibələrdə qalib gəlməyə hazır olmadıqlarını göstərir.

Bu da güc tətbiqi ilə Rusiyanın təcavüzünün qarşısını almaq tələbini gücləndirir:

“Fevralın 24-dən bu yana dünya dəyişib və indi müttəfiqlərimizlə bərabər vuruşmağa və döyüşdə Rusiyanı məğlub etməyə qadir ordu yaratmaq üçün əsas var”.

2021-ci ilin martında Böyük Britaniya hökuməti orduda saxlamağı planlaşdırdığı əsgərlərin sayını 2025-ci ilə qədər 72.500-ə endirəcəyini açıqlayıb.

Böyük Britaniyada müdafiə xərcləri 2010-2017-ci illər arasında 6,6 milyard funt sterlinq həcmində olub. 2016-17-ci illərdən bəri real ifadədə ildə 3 milyard funt sterlinq artıb.

“IISS Qlobal Hərbi Balans 2020”-nin məlumatına görə, Rusiya ümumi daxili məhsulunun təxminən 4,14 faizini orduya xərcləyir. Bu rəqəm Böyük Britaniyada təxminən 2,33 faizdir.

Rusiya fevralın 24-də Ukraynada hərbi əməliyyatlara başlayıb.

Ondan 2 gün öncə isə Rusiya Prezidenti Vladimir Putin açıqlama verərək Ukraynanın şərqindəki separatçı qurumları tanıdığını bəyan edib.

Ukrayna, Qərb liderləri hərbi əməliyyatları pisləyib, Putinin buna görə cavab verəcəyini bildirib.

Bundan sonra Avropa Birliyi ölkələrindən, eləcə də ABŞ-dan Rusiyaya qarşı sanksiyalar gəlməyə başlayıb.

Sanksiya tətbiq edilən 600-dən çox şəxsin içində oliqarxlar, yüksək rütbəli hərbçilər, şirkət sahibləri, biznesmenlərlə yanaşı, Rusiya Prezidenti Vladimir Putin və xarici işlər naziri Sergey Lavrov da var.

Aprelin 7-də isə BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Aprelin 7-də isə BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur.

Meydan TV

Gözdən qaçırmayın:  Rusiyanın sabiq dövlət katibi Bakıda vəfat edib

This site uses Akismet to reduce spam. Learn how your comment data is processed.

Back to top button