Now Reading:
“Bütün təbliğat vasitələrini işə salmaq lazımdır” – Deputatdan ÇAĞIRIŞ

“Xocalı faciəsinin 26-cı ildönümünə az vaxt qaldığı bir zamanda AŞPA-da çıxış edən Ermənistan prezidenti Serj Sarkisyan Sumqayıt hadisələrindən danışdı. Görünən odur ki, ermənilər 30 il əvvəl baş vermiş Sumqayıt hadisələrini xatırlatmaqla bundan bizə qarşı istifadə etməyə çalışır”.

Bunu Milli Məclisin yaz sessiyasında çıxış edən deputat Fazil Mustafa deyib.

Deputat vurğulayıb ki, əslində Sumqayıt hadisələrin erməni əsilli Eduard Qriqoryan tərəfindən törədilməsini sübut edən sənədlər var:

“Bununla bağlı Respublika Prokurorluğunda zamanında ciddi araşdırma aparılıb”.

Deputat əlavə edib ki, Xocalı faciəsinin ildönümünə 25 gün qalıb və indidən bütün təbliğat vasitələrini işə salmaq lazımdır:

“Görünən odur ki, ermənilər Xocalı hadisəsindən bizə qarşı istifadə etmək istəyir. Fikrimcə, biz bunu nəzərə almalı və beynəlxalq mediaya çıxış imkanlarından geniş istifadə etməyliyik”.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.