Politoloq Zərdüşt Əlizadə moderator.az- a açıqlamasında ölkədəki mövcud vəziyyətlə bağlı tənqidi fikirlər səsləndirib.

Ekspert cəmiyyət və müxalifətin müqavimət gücünün həddindən artıq zəiflədiyinə diqqət çəkib:

“Təəssüflər olsun ki, bu günə qədər baş verən proseslər nəticəsində ölkədə arzuedilməz vəziyyət yaranıb. Cəmiyyət halsız vəziyyətdədir, xırıldayır, ölüm ayağındadır. Müxalifət sıfır vəziyyətindədir. Vətəndaş cəmiyyəti isə darmadağın edilib. Cəmiyyət susdurulub. Hakimiyyət üçün heç bir təhlükə yoxdur. Hər tərəfdə polis, DTX və digər strukturlardır. Maliyyə ehtiyyatları, radio və televiziyalar hakimiyyətin nəzarətindədir. Müxalifət isə satın alınıb və hakimiyyətin cibindədir. Yəni hakimiyyət üçün real təhlükə yoxdur”.