Cənubi Koreya yeni prezidentini seçdi
Cənubi Koreyada keçirilən növbədənkənar prezident seçkilərinin qalibi təxminən bəlli olub.
“Exit-poll”un nəticələrinə görə, 42 milyondan artıq seçicinin səs verdiyi seçkidə demokrat Mun Çje İn qalib gəlib.
Mübarizə aparan 13 namizəd arasında Mun Çje İn səslərin 41,1 faizini, Xon Çjun Pxe (Azad Koreya Partiyası) 23,3 faizini, An Çxol Su (Xalq Partiyası) isə 21,8 faizini toplayıb.
Səslər tam hesablandıqdan sonra Mərkəzi Seçki Komissiyası qalibi rəsmən elan edəcək.
Cənubi Koreyada növbədənkənar prezident seçkiləri ötən ilin dekabrında əvvəlki ölkə başçısı Pak Kın Xenin impiçmentindən sonra təyin edilib.
İmpiçmentin gündəmə gəlməsinə isə prezidentin öz yaxın rəfiqəsi Çxve Sun Silə dövlət işlərinə müdaxilə etməyə imkan yaratması səbəb olub.
Gültəkin
24saat.org
Mənbə – azadliq.info