SEÇMƏ
Çempionlar Liqasının qalibi bilindi
“Real” növbəti dəfə “Liverpul”u finalda məğlub etdi
UEFA Çempionlar Liqasında 2021/22 mövsümünün qalibi məlum olub.
Fransada keçirilən final oyununda İspaniyanın “Real” komandası ilə İngiltərənin “Liverpul” klubu üz-üzə gəlib.
Bu komandalar 2018-ci ildə də Çempionlar Liqasının final matçında qarşılaşmışdı. “Real” həmin oyunda 3:1 hesablı qələbə qazanaraq, Çempionlar Liqasının qalibi olmuşdu.
Budəfəki final matçı “Liverpul” üçün bir növ revanş görüşü sayıla bilərdi. Amma ” Real” bu dəfə də qələbə qazanraq, 14-cü dəfə Çempionlar Liqasının qalibi olub. Madrid klubundan Vinisius Juniorun 59-cu dəqiqədə vurduğu yeganə qol oyunun taleyini həll edib.
Bununla da, UEFA Çempionlar Liqasında son mövsümün qalibi adını “Real” qazanıb.
