Bugün dekabrın 8-də Azərbaycan və Rusiya xarici işləri Ceyhun Bayramov və Sergey Lavrov arasında telefon danışığı baş tutub.

Bu barədə Azərbaycan Xarici İşlər Nazirliyi (XİN) məlumat yayıb.

“Nazirlər 10 noyabr 2020-ci il tarixli üçtərəfli bəyanatdan irəli gələn məsələlərin icrası ilə bağlı fikir mübadiləsi aparıblar” – məlumatda deyilir.

Saytların yığılması

Açıqlamaya görə, tərəflər, həmçinin ikitərəfli əməkdaşlıq məsələlərini müzakirə ediblər.

Ceyhun Bayramov və Rusiya xarici İşlər naziri Sergey Lavrov üçtərəfli bəyanatla bağlı son həftələrdə bir neçə dəfə danışıblar.

Bu il sentyabrın 27-də Azərbaycan və Ermənistan silahlı qüvvələrinin təmas xəttində ağır döyüşlər başlamışdı.

Azərbaycan bildirir ki, noyabrın 9-u döyüşlərin dayandırılmasına qədər 280 civarında kəndi, dörd qəsəbəni, Şuşa və daha dörd şəhəri (Cəbrayıl, Füzuli, Zəngilan, Qubadlı) işğaldan azad edib.

Noyabrın 10-da Azərbaycan, Ermənistan və Rusiya rəhbərlərinin adından atəşkəs bəyanatı yayılıb.

Razılaşmaya əsasən, Kəlbəcər, Ağdam və Laçın rayonları da Azərbaycanın nəzarətinə qaytarılıb. Laçın dəhlizində və qoşunların təmas xəttində isə Rusiya sülhməramlıları yerləşdirilib.

Hazırda keçmiş Dağlıq Qarabağ Muxtar Vilayətinin yarıdan çoxunun Azərbaycanın separatçı saydığı qüvvələrin və Rusiya sülhməramlılarının nəzarətində olduğu bildirilir.

Xatırlatma

Muasir mərhələdə Qarabağ münaqişəsi Ermənistanın Azərbaycana ərazi iddiaları ilə 1988-ci ildə başlayıb.

1994-cü ildə gerçəkləşən atəşkəs razılaşmasına qədər (Birinci Qarabağ müharibəsində) Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

24saat.org

Mənbə – azadliq.org

Saytların yığılması