Bakı/09.08.21  Bu gün Azərbaycan və Rusiyanın xarici işlər naziri Ceyhun Bayramovla Sergey Lavrov arasında telefon danışığı olub.

Nazirlər Azərbaycan-Ermənistan sərhəddində vəziyyəti və üçtərəfli bəyanatların (Azərbaycan, Ermənistan və Rusiya liderlərinin) icrası ilə əlaqədar məsələləri, o cümlədən bölgədə iqtisadi və nəqliyyat əlaqələrinin bərpası üzrə üçtərəfli işçi qrupunun fəaliyyətini müzakirə ediblər.

Həmçinin tərəflər ikitərəfli əməkdaşlığın gündəliyinə daxil olan məsələlər, o cümlədən beynəlxalq təşkilatlar çərçivəsində əməkdaşlığa dair fikir mübadiləsi aparıblar, Azərbaycan Xarici İşlər Nazirliyinin mətbuat xidmətinin məlumatında deyilir.

Saytların yığılması

Nazirlər qarşılıqlı maraq doğuran digər məsələləri də nəzərdən keçiriblər. .—06D—