Xəbərlər
Çimərlikdə batan bacıların ikincisinin də meyiti tapıldı
Ötən gün axşam Bakının Novxanı çimərliyində batan bacılardan ikincisinin də cəsədi tapılıb. Bu haqda Fövqəladə Hallar Nazirliyinin (FHN) mətbuat xidmətinin rəhbəri Oqtay Bayramov məlumat verib.
O bildirib ki, Aytac Əliyevanın meyiti sudan çıxarılaraq aidiyyatı üzrə təhvil verilib.
Qeyd edək ki, hadisə ötən gün axşam saatlarında Novxanı çimərliyində qeydə alınıb.
Göyçay rayon sakinləri – 2000-ci il təvəllüdlü Əliyeva Səmayə Vasif qızı və onun bacısı, 2002-ci il təvəllüdlü Aytac dənizdə çimərkən boğularaq ölüblər.
Hadisə yerinə gələn Fövqəladə Hallar Nazirliyin Dövlət Sularda Xilasetmə Xidmətinin dalğıc-xilasediciləri S. Əliyevanın meyitini taparaq çıxarıblar. Qeyd edək ki, iki bacı Bakıya istirahətə gəlibmiş.