Xəbərlər
COVID-19-a yoluxma sayı yenə artdı
Azərbaycanda son sutkada koronavirus (COVID-19) infeksiyasına 257 yeni yoluxma faktı qeydə alınıb, 58 nəfər müalicə olunaraq sağalıb, dörd nəfər ölüb.
Bu barədə Nazirlər Kabineti yanında Operativ Qərargahdan məlumat verilib.
Hazırda aktiv xəstə sayının 1 min 96 nəfər olduğu bildirilir.
Rəsmi məlumata görə, indiyədək Azərbaycanda 794 min 913 nəfər koronavirus infeksiyasına yoluxub, onlardan 784 min 90 nəfər müalicə olunaraq sağalıb, 9 min 727 nəfər xəstəlikdən vəfat edib.
2019-cu ilin sonlarında dünyada yeni koronavirus aşkar edilib.
2020-ci il martın 11-də ÜST koronavirusu pandemiya elan edib. Dünyada sürətlə yayılan bu virusdan indiyə qədər 6.3 milyondan çox şəxsin vəfat etdiyi açıqlanıb.
