Xəbərlər

Çox gözəl olduğu üçün işdən çıxarıldı — FOTOLAR

İngiltərənin paytaxtı Londonda bir istehsal müəssisəsində işləyən Emma adlı qız çox gözəl göründüyü üçün işdən çıxardığını iddia edib.

“Ölkə.Az” xəbər verir ki, İngiltərənin çoxtirajlı “The Mirror” qəzetinin dərc etdiyi xəbərdə Emma Halsa (Hulse) iş vaxtı şöbə müdiri “Sən podiumda olmalısan” deyərək onu işdən qovub.

24 yaşındakı Emma bu barədə qəzetə danışıb:

“İşi axşam saat 18-ə qədər qurtarmağımız lazım idi. Səhər 09:30-da işə getdim. Köməkçi mənə nə etməli olduğunu izah etdi. Daha sonra məni oraya işçi kimi göndərən agentlikdən artıq mənə ehtiyac olmadığı ilə bağlı qısa mesaj gəldi. Bu mesajdan sonra dərhal şöbə müdirinin yanına getdim. O məndən model olub-olmadığımı və nə üçün manikenlik etmədiyimi soruşdu”.

Yalnız dodaq boyasından istifadə etdiyini və paltarının da açıq-saçıq olmadığını bilirən Emma şöbə müdirinin onun telefon nömrəsini istədiyini və birlikdə içməyi təklif etdiyini də iddiasında səsləndirib.

Şirkətin sahibi Adam Lakvel (Lucwell) isə iddialara cavab olaraq Emmanın üç aylıq sınaq mərhələsinin ardından işdən çıxarıldığını bildirib və buna səbəb kimi də onun verilən tapşırığın öhdəsindən gələ bilmədiyini qeyd edib.

 

Related Articles

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.

Back to top button