Dağıstan lideri Qusardan yola salındı
Azərbaycanda Dağıstan günləri çərçivəsində Bakıda olan Dağıstan prezidenti Ramazan Abdullatipov və onu müşaiyət edən nümayəndə heyəti səfərlərini yolüstü Qusar və Xaçmaz rayonlarında davam etdirib.
ANS PRESS-in məlumatına görə, onlar əvvəlcə Xaçmazda böyük ictimai-siyasi xadim Əziz Əliyevin muzeyinə, H.Əliyev mərkəzinə və şəhərin bir sıra görməli yerlərinə baş çəkiblər.
Dağıstanlı qonaqlar Azərbaycanda xoş qarşılanmalarından məmnun qaldıqlarını bildiriblər. Daha sonra Qusara gələn Dağıstanlı qonaqlar burda sakinlər qarşısında çıxış edib.
Qusarı çox bəyəndiyini deyən Ramazan Abdulatipov Azərbaycanı talerant, çoxmillətli ölkə kimi tanıdığını dilə gətirib. “Mən çox şadam ki, bizim dağıstanlılar Azərbaycanda çox komfort yaşayır və özlərini nümunəvi vətəndaş sayırlar”, – deyə Ramazan Abdulatipov bildirib. Rusiyanın Azərbaycandakı səfiri Doroxinin müşayiətilə qonaqlar Qusarın Samur keçid məntəqəsindən ölkələrinə yola salınıblar.